More about K
對攝影的堅持
一直以來,在這數碼的年代,我從未放棄傳統菲林攝影。在rate card內依然保留了菲林拍攝的附加服務供客人選擇。
好多人會問科技進步,用數碼乜都執到,天花龍鳳都得啦,甚至乎有風氣係要把婚禮/婚紗相執到世界末日咁feel先至係正,仲乜仲要影菲林呢?
但我認為,那份由菲林晒出來的相片的感覺,用數碼係比唔到的!
好多謝認同我的客人,讓我在機會在你們的婚禮上用菲林拍攝!
*ILFORD是來自英國超過130年歷史的黑白菲林品牌。
ILFORD WEBSITE
The Sims Wedding ???
相信好多人都有玩過一些模擬的遊戲,如 “The Sims” (模擬市民)、”Sims City” (模擬城市) 等。有些模擬遊戲可以讓玩家一嘗管理或營運一間機構或公司,如 “Theme Hospital” (杏林也瘋狂)、”便利商店” 等。
但有無想過婚禮行業都有模擬遊戲呢?
剛剛在網絡上無意找到一個遊戲,名為 — Wedding Salon。
呢個遊戲可讓玩家經營一間婚禮服務公司,但睇相片sample又唔見有經營攝影喎 ~
有興趣的朋友不防 Download 個demo玩玩啦 ~ Mac機都有架!
【溫馨提示】 我唔係只係影Wedding的 ~
Exposure Photography 一直以來大多數的工作都是婚禮攝影或婚紗攝影,年頭年尾時久唔久會影私人公司的周年晚宴或表演。
機緣巧合下,早前我為一對由我拍攝婚禮的夫婦拍攝他們只有11天大的初生BB。係呢度同大家分享數張劣作。
其實,過去多次被客人查詢我們有否提供嬰兒或家庭攝影服務,從今天開始,Exposure正式提供嬰兒及家庭攝影服務。但請恕暫時我們不設影樓拍攝,那麼不設影樓又影到嗎?其實下面的幾張相片中的BB只有11日大,都是在家中拍攝的。只需一張普通的雙人床,再加上我們帶來的簡單器材,只需5分鐘準備就能開始拍攝。
我都係一位爸爸,我的囝囝剛剛一歲,經驗話比我知,半歲以內的嬰兒係唔難控制他坐定定的。因此,上門拍攝嬰兒服務暫且建議為半歲大的小朋友為最適合。而當小朋友開始學行時,我會建議可嘗試戶外拍攝,唔知有無曾經幫襯過我影Wedding的朋友有興趣影戶外家庭相呢?有就email我啦!limited special offer ~
從來未試過咁緊張
明天2011年6月4號,22年前的6月4號在天安門所發生的事情相信大家都無辦法忙記。
廿二年前的六月,我好記得當時我係小學三年級,那時學校外牆掛起了一對好大好長幾層樓高的黑底白字Banner,內容寫乜我唔記得了。除Banner外,每位老師手臂上或心口都掛上一片黑色的布。所有課室內本是睇教育電視的電視機都開著,但電視台不是播放教育電視、而是播著特別新聞報告。
廿二年後的六四仍未平反,希望我在有生之年能看見六四平反的一日。
回想起廿二年前,課室內有一位朋友陪我一起見證天安門所發生的事情。
呢位朋友和我2歲就相識了,即未讀幼稚園就識了。
我們住同一個屋村、同一座、同一部電梯上落,我住7樓,佢住4樓。
我們一同入讀同一間幼稚園,低班中班高班都同一班。三年後一同入讀同一間小學,六年的小學只有3年唔同班。中學後大家在同區但不同的學校上課,大專大學亦不同,但好好彩,竟然在post-grad時大家又在同一間大學、同一個學系、同一科相遇。
我們過去接近30年,一齊返學、一齊玩、一齊媾女 (目標是不同的 XDD),仲有好多野都一齊進行的,但那些唔太方便講了…
明天是你結婚的大囍日子,雖然一齊從簡,無接新娘等儀式,只是舉行簡單的晚宴。興幸得到你的信任,讓我為你拍攝和安排即晚派相的工作。
對於我來講,入行後影了起碼幾百場婚禮,影禮堂前合照對我黎講並不是難事,而即晚派相我亦已安排好助手的協助了。但我真係好緊張,就算是當初第一單收錢的job,我都無咁緊張。
我會影每一張相時都回想過去近30年和你的一點一滴,希望明天一切順利。
我雖然無宗教信仰,但我對佛教比較認同,尤其是佛家思想的「因果」。正所謂「百世修來同船渡, 千世修來共枕眠」,今世我們能成為相識近30年的朋友是百世修來的因,而你們呢幾年經歷咁多事情,明天是你們開花結果,便你們千世修來的果。
祝你們百年好合,永結同心